محلات الكاسيت في انتظار البوم عمرو دياب الجديد

لا صوت يعلو فوق صوت المعركة .. والمعركة هنا هي الاستعداد لاطلاق ألبوم عمرو دياب الجديد في السوق الغنائي.
محلات بيع الكاسيت أعلنت حالة الاستنفار والتأهب القصوى في انتظار صدور الألبوم منتصف الشهر الجاري بعد سلسلة من التأجيلات على مدار الأشهر الماضية.
وبالفعل فقد استعدت المحال ومراكز بيع الألبومات الغنائية من خلال تجهيز الواجهات لإستقبال بوسترات الدعاية في غضون الأيام القليلة المقبلة مع وضع بعض من صور عمرو دياب وأعلاها كلمة "قريبا" مع تغيير العد التنازلي لموعد نزل الألبوم رسمياً إلى الأسواق بشكل يومي عبر عبارة "باق من الزمن (...) يوماً".
جولة واحدة على محلات بيع الكاسيت كفيلة بأن تكشف عن حجم الإستعدادات الضخمة التي تجري على قدم وساق بالتزامن مع قرب صدور الألبوم الذي طال انتظاره ما يقرب من عامين منذ آخر ألبومات عمرو دياب "الليلا دي" الذي صدر مطلع صيف 2007.أصحاب المحال أكدوا على أن طرح ألبوم عمرو دياب هو بمثابة موسم منفرد بذاته لأنه يسجل أعلى مبيعات مع بداية الساعات الأولى لإصداره بما يساهم في تعويض التراجع الرهيب في مبيعات سوق الكاسيت عموماً على مدار العام.
يجدر بالذكر أن شركة روتانا سوف تقوم بتوزيع بوسترات الدعاية في المحال والشوارع نهاية الأسبوع الحالي

من تعليقات القراء

من غير كلام دة الطبيعى ودة اللى المفروض يتعمل لنجم قادر يكون رقم(1) عالساحة لأكتر من 20 سنة مشوار
دة الطبيعى لنجم قدر يحترم جمهورة وفنة وتاريخة لاكتر من 20 سنة مشوار
دة الطبيعى لفنان أحترم الاغنية ومعنى الاغنية وأحترم الكلمة اللى هيقولها فى الاغنية لأكتر من 20 سنة مشوار.
دة الطبيعى لفنان قدر يوصل للعالمية مش بمجرد 3 جوايز ميوزك اوورد ولا بدويتوهين عملهم من نجوم اجانب ولا بإعلانات عملها مع مطربات ومطربين اجانب ولكن وصل للعالمية باغانية اللى إتغنت باللغة العربية من اجانب زى اغنية تملى معاك واغنية نور العين اللى اتغنت بالاسبانى واغنية وبينا معاد دة غير الاغانى اللى إترجمت بالغات العالم وطبعا كلنا شفنا الكلام دة فى برنامج الحلم عشان بس ماحدش يقول فين .
دة الطبيعى إن دة يحصل معاك ياعمرو يادياب ومش من اصحاب محلات الكاسيت بس دة من الفنانين والفنانات كمان الكل هياجل صدور البومة ويستنى البومك عشان يسمعو ويتعلمو المزيكا الجديدة منك
دة الطبيعى ولا يوجد جديد فى الخبر


***********************
صحيح النجم نجم يا عمرو
عمرة ام غنى نفسى اااااااااا
او خليها تكلك زى المطرب ابو حواجب
دوبل او على طول فاتح زراير القميص
او هربان من الجيش


*****************
والله انا هتجنن على الالبوم يا عمور ربنا يخليلك وان شاء الله هيكسر الدنيا ... والتاجيل كان بسبب تسرب بعض الاغانى ... ليك حق تأجل علشان انت واحد بتخاف على شغلك وبتبذل مجهود كبير .. وبتنقى الاغانى بعناية كاملة .. مش اى اغانى والسلام... ان شاء الله الالبوم ينزل ويبقى فوق ما تتخيل انه يحقق نجاح كبير ..
ملحوظة يا ريت يا جماعه محدش يجيب سيرة تامر حسنى هنا تامر مطرب صوت حلو برضو. مفيش داعى لذكرة فى موضوع يخص عمرو دياب مش اى خبر لتامر او عمرو تجيبوا سيرتهم ..وربنا يوفقك يا عمرو

********************
هو فى حد لسه بيشترى شريط كاسيت النت بينزل عليه الالبوم قبل مينزل السوق وافضل واوفر